Тиздән безнең канатлы дусларыбыз - кошлар җылы яклардан кайтачак.  Укучыларыбыз әтиләре. абыйлары белән бергәләп  сыерчык оялары ясадылар. Канатлы дусларыбыз өчен ясаган оялар бик матур килеп чыкты.

5-8 нче сыйныф укучыларының проект эшләре эчтәлекле, иҗади, кызыклы иде. Укучылар актив һәм максатчан эшләде.

Бүген башлангыч сыйныф укучылары проект эшен якладылар.Проект эшчәнлеге – төпле фикере булган балалар тәрбияләү технологияләреннән берсе.
Проект эшчәнлегенең нигезе- тикшеренү эше.
Максаты: укучыларның шәхси үсешенә, уңышлы аралашуларына ирешү, аларны һәртөрле эшчәнлеккә иҗади якын килергә өйрәтү.

Учащихся   5-8 классов ознакомили с историей добровольчества в России, с основными направлениями вололонтерской деятельности.

Бадминтон спорт төрен безнең мәктәп укучылары бик яратып уйный. Төрле дәрәҗәдәге ярышларда катнашып, һәрдаим призлы урыннар яулыйлар. 23 нче март көнне Хәсәншәех мәктәбе базасында әлеге спорт төрен сөюче  малайлар һәм кызлар арасында ярыш үткәрелде.Уен дүрт яшь категориясенә бүленеп алып барылды. Шәхси беренчелектә җиңүчеләр  билгеләнде. Команда нәтиҗәләре буенча: 1 урын-Хәсәншәех, 2 урында- Апаз, 3 урында - Укучылар сарае һәм Наласа мәктәбе командасы. 

Авыл китапханәсендә 7-8 класс укучылары белән "Наркомания һәм сәламәтлек" темасына әңгәмә үткәрелде..Авылыбыз фельдшеры Закирова Рәмзия Мансуровна наркотикларның сәламәтлеккә зыянлы икәнен,аның үлемгә китерүен кабат аңлатты, сәламәт яшәү рәвеше алып барырга чакырды.

1 нче сыйныф укучылары  беренче җиңүләрен бәйрәм иттеләр. Әлифба  бәйрәме – беренчеләрнең ярты еллык эшенә йомгак ясау тантанасы. Балаларның җидесе дә укырга, язарга, хикәяләр төзергә, шигырьләр сөйләргә, җырларга, әйтемнәр  һәм табышмаклар сөйләргә, әдәпле булырга, өлкәннәрне һәм кечкенәләрне ихтирам  итәргә, коллектив белән дус яшәргә, ирешкән уңышларга шатланырга, ярдәмчел  булырга өйрәнде.

Мәктәпнең традицион тәрбия чараларына тугры калып, быел да Нәүрүз бәйрәмен нәкъ 21 мартта үткәрдек. Бәйрәм  6 нчы сыйныф укучыларының уен-тамашалары белән башланып китте.Бәйрәмнең икенче өлешендә бергәләп  милли уеннар уйнадык. Ә иң көтеп алганы, мөгаен, коймак белән самавырдан чәй эчү булгандыр. Кайнар чәй эчеп алгач, уеннар мәктәп ишегалдында дәвам итте. һәркемнең йөзендә елмаю, канәгатьләнү хисе чагылды. Һәр бәйрәмнең үз тәртибе, гореф- гадәтләре, кыйммәте бар. Татар халкының милли йолаларын кечкенәдән үк балаларга аңлатсак, бергәләп үткәрсәк, буыннар арасында дәвамлылык, миллилек хисе югалмас. Алар, һичшиксез, үз телләрен, рухи байлыкларын саклаучылар булып үсәрләр.