Атналыкның максаты булып, һәр укучының иҗади сәләтләрен үстерергә мөмкинлекләр бирә торган гамәли чаралар әзерләү, татар халкының милли традицияләренә кызыксыну уяту.Ә бурычлары булып, укучыларның иҗади сәләтләрен үстерү, дәресләрдә  яңа заманча технологияләр куллану, укытучыларның педагогик осталыкларын үстерү.Шуларны истә тотып, барлык укучылар арасында Г.Тукай шигырьләрен сәнгатьле укучылар бәйгесе,язучыбызның әсәрләренә рәсем ясаучылар конкурсы үткәрелде.Мәктәбебезнең 67 укучысы “Зирәк тиен” регионара уен-конкурсында катнашты.8 нче Б классы укучысы( укытучысы-Хәйретдинова Ф.Т.) “Бөек татар шагыйре Габдулла Тукайның иҗаты,әдәби мирасы мәңгелек”темасына I районара фәнни-тикшеренү эшләре конкурсында катнашып, 3 урын яулауга иреште. 1-8 нче класс укучылары катнашында“Мәңге яши Тукай безнең күнелләрдә” дигән әдәби музыкаль кичә, 7 нче класслар өчен Г.Тукай иҗаты буенча Казан арты музеенда”Могҗизалар кыры” дип аталган ачык класстан тыш чара уздырылды.Укытучыларыбыз Хәйретдинова Ф.Т. һәм Закирова К.Н. Г.Тукайның тормышы һәм иҗаты буенча”Туры сүз ачы булыр,ахры яхшы булыр” дигән дәрес-викторина ,Сафиуллина Ә.Н. “Без Тукайны беләбезме?” дигән класстан тыш чара, Сәгыйтова Г.Г. 10 нчы класс укучылары өчен “Г.Бәширов иҗаты мәңгелек” дигән дәрес-конференция, 9-11 нче класс укучылары  өчен Закирова К.Н.Җәләева Ә.М. “Йөрәкләрдә Тукай эзләре,күңелләрдә Тукай сүзләре” дигән дәрес-конференция үткәрделәр.Укучыларыбыз республика һәм район күләмендә үткәрелгән “Илһамлы каләм”   шигырь язучылар бәйгесендә, “Тукайга ияреп..үзеңчә” республика күләмендә үткәрелгән карикатура бәйгесендә , “Г.Тукай-халыкның үз баласы”, “Илем  тарихында-минем гаиләм тарихы” дигән темага сочинениеләр язу бәйгесендә катнашып, призлы урыннар яуладылар.Укучыларның матур язу күнекмәләрен үстерү максатыннан, “Матур язу” конкурсы оештырылды.Татар теле һәм әдәбияты атналыгын йомгаклап, укучылар мактау грамоталары белән бүләкләнде.