Яңа ел-тылсымлы бәйрәм. Бу бәйрәмдә һәркем әкияткә ышана, үзенчәлекле, серле, шаккатыргыч һәм, һичшиксез, онытылмас атмосферага чума ала. Өлкәннәр дә, бәйрәм кәефен тоеп,   әкияткә ышана башлыйлар, ә балаларның ихлас соклану һәм шатлыгы     тагын да тулылана.

27 нче декабрьдә мәктәптә 8- 11 нче сыйныфларның Яңа ел бал- маскарады узды. Мәктәп директоры  “4” ле һәм “ 5” ле билгеләренә генә укучыларны, олимпиада,төрле конкурслар- бәйгеләрдә җиңүчеләрне, “ Иң матур бизәләгән класслар” ны котлап истәлекле Яңа ел бүләкләре , Рәхмәт хатлары тапшырды. Уеннардан, җыр-биюләрдән, шигырьләрдән, һәм, әлбәттә инде, чыршы тирәли әйлән-бәйләннән торган күңел ачу программасы барлык  укучыларның  кәефен күтәрде.

“ Иң яхшы Кыш бабай”, “ Иң матур Яңа ел шапкасы” конкурслары, музыкаль номерлар, скетчлар – барысы да балаларның күңеленә хуш килде.

Яңа елда шатлыклы очрашулар, бәхетле елмаюлар, куанычлы мизгелләр күп булсын! Елан елы бары тик куанычлар гына алып килсен, гаиләләребездә иминлек булсын. Яңа ел мөбарәк булсын.