7 апрельдә Казанның Фатиха Аитова исемендәге 12 нче гимназиясендә укытучыларның һәм укучыларның Туфан ага Миңнуллин истәлегенә багышланган I республика конференциясе узды.

  Чын иҗат бәйрәме.Нинди генә күренекле шәхесләребез җыелмаган монда!  Иртәдән бирле Журналистика, Шигърият, Драматургия һәм Фәнни эшләр буенча Остаханәләр эшләде. Укытучылар өчен оештырылган “Түгәрәк өстәл”дә куәтле әңгәмәләр куерды...

   Төшке аштан соң җиңүчеләрне бүләкләү тантанасы башланды. Конференциянең “Драматургия. Театр яктылыкка, нурга илтә!..” номинациясендә 1 нче урынны яулаган   “Диләфрүзгә дүрт кияү” спектакле,  тамашачылар соравы буенча  , кабат уйналды һәм  һәммәсенең күңелен яулады.Көчле алкышлар озак тынмады. Нәҗибә апаның һәм мәртәбәле жюри әгъзаларының мәктәбебезнең театр коллективына җиткергән мактау сүзләре, теләкләре һәрберебез өчен зур горурлык иде.

“Артист” булгач , әлбәттә , интервью да бирдек. Мәктәп тормышы, нинди уй –максатлар белән яшибез , бүгенге бәйрәмнән алган хис-кичерешләр...

Кызыксынучан, тиктормас,уңган  Алмазыбыз  бәйрәм тантанасын алып барырга  һәм тамашачы күңелен яуларга да  өлгерде

Татарстан Республикасының беренче Президенты  М.Ш.Шәймиев  Кубогына 1998-2000  нче елгы яшүсмерләр арасында   татар-башкорт милли көрәше буенча  район сайлап алу  турниры  узды. Анда мәктәбебезнең көрәшчеләре 1 нче урынны яулады.Афәрин, егетләр!   

Республикакүләм  хокук  бозуларны   кисәтү  отрядлары  конкурсының  район туры үтте. Әлеге конкурста безнең мәктәпнең “Барс” профилактика отряды беренче урынга лаек булды.  Молодцы! Чын күңелдән  котлыйбыз, киләчәктә дә уңышлар телибез!

Язгы каникул көннәрендә дә мәктәптә түгәрәкләр тулы көченә эшләде.

    29 март көнне  “Җир сәгате” акциясе узды , аңа без дә кушылдык. Җир планетасының киләчәгенә битараф булмаган һәркем бу көнне кичке сәгать тугызынчы яртыдан унынчы яртыга кадәр өендәге утны сүндереп торырга тиеш иде.

   Мәгълүм булганча, әлеге акция Кыргый табигать дөньяара фонды тарафыннан һәр елны март аеның соңгы шимбәсендә үткәрелә. Фонд вәкилләре кешелек дөньясын, әйтик, лифт кебек тормыш өчен аеруча мөһим булмаган электр приборларыннан вакытлыча баш тартып, беразга гына булса да, җиргә якынлашырга чакыра.

         Хөрмәтле җитәкчебез Рәмизә Рәисовна!

Сезне ихлас күңелдән олы бәйрәмегез-50 яшьлек юбилеегыз белән чын күңелдән котлыйбыз! Тормыш бәйрәмегез белән котлап, Сезгә исәнлек-саулык, шатлык-куанычлар белән тулы көннәр, рухи камиллек, гаилә иминлеге, мул тормыш һәм сәламәтлек телибез.

Туган көнегез-юбилеегыз белән,

Чын күңелдән сезне котлыйбыз.

Сәламәтлек, шатлык-куанычлар,

Күңел тынычлыгы телибез.

10 марттан  1 нче класс укучыларының гаризаларын мәктәпкә кабул итү чоры башланды.  Мәктәп 15 укучыны кабул итәргә әзер. Гаризаларны язу өчен "Подача заявления на прием" бүлегенә керегез.

21 март  көнне Ашытбаш мәдәният йортында укучылар һәм укытучылар коллективының иҗат концерты булды. Тамашачы  мәктәп коллективының чыгышын бик яратты ,зур рәхмәтен җиткерде.