Бүген  мәктәптә  студентлар белән очрашу кичәсе  булды. Мәктәпне  төрле елларда тәмамлап, бүгенге көндә республикабызның   югары уку йортларында белем алучы яшьләребез бердәм булып җыелып кайтканнар иде.Мәктәп директоры Рәмизә Рәисовна  үзенең матур теләкләрен җиткерде , киләчәктә дә укуларында  зур уңышлар теләде. Студентлар укулары,тормышлары һәм үзләре укыган уку йорты турында сөйләделәр. Укучылар биргән сорауларга җавап бирделәр. Төпле белем биргән укытучылар коллективына зур рәхмәтләрен җиткерделәр, матур җырларын бүләк иттеләр.

 11 нче сыйныфлар тарафыннан оештырылган   интеллектуаль күңел ачу уены  да  кызыклы ,үзенчәлекле булды.Бәйрәм матур биюләр белән дәвам итте. 

8 февраль көнне Ашытбашта «Сәламәтлек көне» узды. Теләгән һәр кеше: олысы,

кечесе ,  рәхәтләнеп  чана-чаңгы шуды бу көнне.

 Чанада да шуабыз,

Чаңгыда да шуабыз.

Тимераякта очабыз,

Чыжлап тора шома боз.

Тауларга да барабыз,

Кырларга да чыгабыз.

Кар-буран дип тормыйбыз,

Шуабыз да шуабыз

7 нче февральдә Курса-Почмакта “Ак барс” агрокомплексы җитәкчесе Шәйдулла Сәлахов призына яшүсмерләр арасында милли көрәш буенча район беренчелеге узды. Көрәшчеләр  10 үлчәү авырлыгында  көч сынашты.  Мәктәбебез командасы әлеге көрәштә 3 нче урынны яулады. Әхмәтгалиев Ленар  1 нче урын, Сафин Рәдис  2 нче урынга лаек булды. Егетләрне һәм аларның тренеры С.В.Галиуллинны  чын күңелдән зур җиңүләре белән тәбрик итәбез! Нык сәламәтлек, киләчәктә дә зур уңышлар, яңа җиңүләр телибез!

6 нчы февраль көнне Акчишмә башлангыч мәктәбенең 4 класс  укучысы Гарифуллина  Чулпан Ирек кызы Арча үзәк китапханәсе тарафыннан оештырылган Бөек Җиңүнең 70 еллыгына багышланган “Җирдә тынычлык хакына” дип исемләнгән шигырь  сөйләүчеләр конкурсының муниципаль этабында Әсһәр Габидиның “Ана көтә баласын” шигыре белән чыгыш ясады. Ул Арча үзәк китапханәсенең Рәхмәт хаты белән бүләкләнде. Чулпанга киләчәктә зур уңышлар телибез.

Авылларыбыздагы һәйкәлләрне укучыларыбыз һәрвакыт карап, кардан чистартып торалар. Бу  атнада 8  нче класс укучылары активлык күрсәтәләр.

Гатауллина Фаягуль , ученица 7 класса , получила Благодарственное письмо за активное участие в  муниципальном этапе Республиканского  конкурса  чтецов  «Во имя мира на земле» , посвященного к 70-летию Великой Победы.  Фаягуль, желаем  тебе здоровья , творческих успехов и стать настоящим патриотом своей Родины!

Кайтыйк әле, онытмыйк без дуслар, 
Канат ярган туган ояны. 
Кыңгыраулар чыңы дәшсен кабат, 
Мәктәпкә дип килдек без тагын. 

  7 нче февраль көнне 16.00 сәгатьтә  “Сагынып кайттык тагын без менә” дип аталган  студентлар белән очрашу кичәсе була .Мәктәбебезне тәмамлап , төрле уку йортларында белем алучы егет  һәм кызларыбызны очрашуга көтеп калабыз.

Бүген физика атналыгы кысаларында , укытучы Шайхетдинов С.Р.  8 нче класста физикадан “Үткәргечнең каршылыгын хисаплау. Чагыштырма каршылык" темасына  ачык дәрес күрсәтте. Дәрестә күп эш төрләре башкарылды, дәреснең һәр элементы бер-берсенә бәйләнеп барылды,интерактив такта элементлары бик уңышлы файдаланылды..

Мәктәбебездә һәр класс авылның хезмәт һәм тыл  ветераннарына, ялгыз яшәүче әби-бабайларга  булышлык күрсәтә. Бүген  7 нче  класс укучылары  Әминә әбигә булышырга килделәр. Кызлар өй җыештырдылар, малайлар кар көрәделәр . Аннан Әминә әби янына җыелып, аның истәлекләрен тыңларга утырдылар. Әминә әби балаларны зур рәхмәтләр әйтеп озатып калды. Догаларын укып, саулыклы озын гомер теләде.

3 нче февраль көнне 1 нче класс укучылары  “Казан арты”  тарихи-этнографик музеенда булдылар. Кызыклы экспонатлар белән таныштылар, туган як тарихы буенча яңа файдалы мәгълүматлар алдылар. Ахырдан “Беренче класс укучыларының мәдәни көндәлеге”нә билге куелды.