Хезмәтне һәм хөрмәтне,

 19 нчы декабрьдә Арча мәдәният йортында  “Шушы яктан, шушы туфрактан без” дип исемләнгән зур чара булды. Биредә Арча төбәгеннән чыккан бер төркем язучылар да катнашты. Әдәбият , шигърият, сәнгать өлкәсендә уңышларга ирешкән  укучыларга муниципаль районның Гариф Ахунов исемендәге премиясе тапшырылды.  Мәктәбебездән Әхмәтгалиев Ленар һәм Мөхәммәтдинова Чулпан  - Г.Ахунов исемендәге әдәбият премиясе лауреатлары. Аларны чын күңелдән зур җиңүләре белән котлыйбыз! Киләчәктә дә  иҗади  уңышлар, яңа үрләр яулавыгызны теләп калабыз!

Куйдык кишердән борын,

  Мәктәбебездә Яңа елны каршы алырга әзерлек эшләре тулы көченә бара. Мәктәп каршында    “Кар шәһәрчеге” ясадык. 

Акчишмә башлангыч мәктәбендә "Нәрсә ул гаделлек?"  темасына тәрбия сәгате үткәрелде. Укучылар белән берлектә гаделлек сүзенә аңлатма бирелде, тормышта булырга мөмкин ситуацияләргә анализ ясалды. Презентация буенча укучылар күп кенә сорауларга җавап бирделәр.

Мәктәптә Яңа елга әзерлек бара.Классларны бизибез, бәйрәм чараларына әзерләнәбез.Мәктәп каршысында кардан сыннар ясарга керештек. Иң матур бизәлгән класска, иң яхшы кар сынына конкурс игълан ителде. 

16 нчы  декабрь көнне Кенәр  Балалар иҗаты Йортында район күләмендә мәктәп укучылары арасында шахмат ярышы булып  үтте. Безнең мәктәптән кызлар арасыннан Нуруллина Гөлнур 3 урын; малайлар арасыннан Шарипов Илфат 1 урын алды. Гомуми команда буенча безнең команда 1 урында калды. Җитәкчеләре  Галиуллин Сөләйман Вагизович. Аларны җиңүләре белән котлыйбыз!

Килегез сез, кошкайлар –

Безнең нәни дускайлар.

Кышкы салкын көннәрдә

Саклагыз үзегезне –

Ашагыз безнең җимне:

Ярма ,орлык, миләшне.

Укучыларга сыйфатлы белем бирү белән беррәттән мәктәптә хезмәт тәрбиясенә дә зур игътибар бирелә.

Ел саен традиция буенча кошларга җимлекләр кую һәм аларны  даими тукландырып тору 5 класс варисларына йөкләнгән. Алар бу эшне яратып һәм бик теләп башкаралар.

14 декабрь көнне Акчишмә башлангыч мәктәбендә мәдәни көндәлекләр белән эш дәвам итте. Укучылар Татарстан Республикасы китапханәсенең бай тарихы белән таныштылар. Татарстанның күренекле язучылары һәм шагыйрьләренең биографияләрен искә төшерделәр, аларның әсәрләре буенча кызыклы сорауларга җавап бирделәр.  Дәрес ахырында мәдәни көндәлектәге биремнәр үтәлде.

Арча балалар спорт мәктәбендә гер спорты буенча район беренчелегенә ярышлар булып узды. Безнең мәктәптән 2001-2002 нче елгы кызлар арасында 9 класс укучысы Нуруллина Гөлнур 3 урын алды. Аны бу җиңүе белән чын күңелдән котлыйбыз.