Балалар бакчасында иртәдән кичкә кадәр минутларына кадәр төгәл утәлә торган режимда уен элементлары катнашмаган мизгел юктыр да. Балалар  бик теләп сюжетлы — рольле, хәрәкәтле, дидактик, сәхнәләштерелән уеннарны уйныйлар. Уеннар күп һәм төрле-төрле. Уйнавы рәхәт. Буш вакытларында балалар күбрәк рәсми уеннарга караганда халык уеннарын бик яратып, рәхәтләнеп чишелеп уйныйлар.

Бүген бакчабызда "рәссамнар көне". Шул уңайдан балалар рәсемне альбом битләренә генә түгел , ә урамда асфальтта  да рәсем ясауны бик яратып башкаралар.

Бакчабызда үтә торган спорт ярышлары бик магыктыргыч һәм кызыклы булып үтә. Әлеге уеннарда балалар үзләренең көчлелекләрен һәм җитезлекләрен сыныйлар.

Бүген Апас районы тарихында беренче тапкыр балалар бакчаларында тәрбияләнүче нарасыйлар өчен “Күңелле старт” боз уеннары үткәрелде. Профилактик ялга ябылыр алдыннан бу көнне Апас “Алтын алка” Боз Сарае аренасы тулысы белән бакча яшендәге 3-6 яшьлек балалар ихтыярына тапшырылды. Әлеге уенда безнен бакча балалары командасы Свияжный бистәсенең “Ләйсән” балалар бакчасыннан килгән  ике команда  белән ярышты. Командабыз данын яклаган балалар Камилә Җәббарова, Риназ Исмәгыйлов, Әмир Мостафин, Сиринә Садрисламова, Марат Гәрәев  уеннарда үзләрен сынатмадылар һәм икенче урынны яуладылар. Афәрин! Котлыйбыз!

Бүген бакчабызда зур бәйрәм - мәктәпкә хәзерлек төркеме балаларының бакча белән хушлашу көне булды. Без бакчабызның иң акыллы, иң уңган балаларын мәктәпкә белем алырга озаттык. 

Бүген Апаста балалар өчен матур бәйрәм - Сабан туе оештырылды. Әлеге бәйрәмдә безнең бакча балалары да үз чыгышлары белән кунакларны каршы алуда катнаштылар. 

Бүген балалар Сабан туенда мәктәпкә керүче балаларга портфельләр өләштеләр.

Бүген, безнең балалар бакчасында "Балалар бакчасы һәм ата-аналар арасындагы аңлашу күпере" дип исемләнгән тәрбиячеләр семинары узды. Семинарда төрле балалар бакчасы тәрбиячеләре үзләренең эш тәҗрибәләре белән уртаклаштылар. Тәрбиячебез Миннуллина Люция Әмир кызы да "Каратун "Гөлчәчәк" балалар бакчасында әти-әниләр белән эш тәҗрибәсе" темасына чыгыш ясады.

Бүген үткән тәрбиячеләр семинарында "Каратун "Гөлчәчәк" балалар бакчасы" тәрбиячеләре Вильданова И.Р. һәм Миннуллина Л.А. матурлыкны күрә белергә өйрәтү максаты белән ясалма чәчәкләрдән картина тудырдылар- тәрбиячеләргә мастер-класс күрсәттеләр. 

Елдагы традицияне дәвам итеп, быел да  безнең бакча коллективы һәм балалары  Бөек  Җиңүнең 71 еллыгына багышланган митингка җыелды. Балалар сугыш турында шигыьләр сөйләделәр, җырлар җырладылар. Һәм, әлбәттә, яу кырында ятып калганнар хөрмәтенә венок та куелды.