Бакчабызда гөрләтеп “Нәүрүз” бәйрәме булып узды. Музыкаль җитәкче Абдуллин Р.Н. төзегән бай, эчтәлекле сценарий буенча үткән бәйрәм балалар өчен генә түгел, барлык хезмәткәрләр өчен дә бик күңелле булды. Балалар җырладылар, биеделәр, нәүрүзгә багышланган шигырьләр сөйләделәр, кызыклы табышмакларга җаваплар бирделәр. Бәйрәмнең иң кызыклы өлеше – ул уеннар иде. Балалар бик рәхәтләнеп чаңгыларда шудылар, чүлмәк ваттылар, кашыкка йомырка ташуда көч сынаштылар, киянтәле чиләкләрдә казанга су ташыдылар, аркан тартыштылар. Кыш бабай белән Нәүрүзбикә дә үзара ярыштылар. Әлбәттә, Кыш бабай җиңелде, һәм балалар аны озаттылар. Ә соңыннан табада чажылдап пешкән искиткеч тәмле коймак ашадылар.
Менә шулай истәлекле булды бездә ул көн!