16 гыйнвар көнне  мәктәбебездә  “Чиста су” дәресләре үтте. Бу акциядә бөтен классларда катнашты. Башлангыч сыйныфларда иң беренче сүзне “экология”сүзеннән башладылар. Укучыларга гади аңлаешлы, мисаллар китерә- китерә аңлаттылар.  Укучылар белән бу чарада төрле табышмаклар үткәрделәр. Чара барышында табигать турында рәсемнәр ясалды, алар нинди төсләргә буялуын искә алдылар. Югары якларда да укытучылар интернет чыганаклары кулланып эчтәлекле дәресләр үткәрделәр.

Без- ФОРПОСТчылар!

       Агымдагы 2012-13 уку елында безнең 10 сыйныфка бик җаваплы эш йөкләнде- ул мәктәбебездә ФОРПОСТ отряды эшчәнлеген алып бару. Җитәкчебез- Гөлшат апа Шакирова белән берлектә командир итеп- Чулпан Салаватуллинаны сайладык.

           Әлеге отрядның эшчәнлеге гаять күпкырлы- мәктәптә, төрле җәмәгать урыннарында тәртип һәм иминлекне саклау дисеңме, төрле начар гадәтләргә, замана чирләренә әйләнгән наркомания, алкоголизмга каршы профилактик чаралар үткәрү булсынмы, өлкәннәргә, балаларга ярдәм итү, тирә-як мохитне саклау һәм башкалар, һәм башкалар... шулай ук район күләмендә уздырылган төрле чараларда актив катнашабыз, эшчәнлегебез турында хисап ясыйбыз.

           Үзебезнең шул бихисап күп эшләр өчен җаваплы булган ФОРПОСТчылар отряды әгъзалары икәнебезне без һәрчак истә тотабыз һәм башкаларга да һәрвакыт үрнәк булырга тырышабыз.

“Алтын алка”- гел үзенә тарта!

       Районыбыз үзәге булган Апаста “Алтын алка” боз сарае ачылганнан соң, ул күпләрнең яратып ял итү, спорт уеннары белән шөгыльләнү урынына әйләнеп китте. Күп кенә авылларда андый мөмкинлек юк, шуңа күрә безнең өчен көтеп алынган яңалык булды. Без вакытыбызны күңелле һәм файдалы итеп үткәрү өчен,  ерак дип тормыйбыз, атнага берәр тапкыр булса да, Боз сараена йорибез. Каникул вакытында мәктәбебезнең бер төркем алдынгы укучылары директорыбыз Илдар абый Хәйбуллин җитәкчелегендә “Алтын алка”да уздырылган бәйрәмдә катнашып, Казаннан чакырылган кунаклар күрсәткән шоу-тамашаны карап кайттылар.

         Спортның нинди төре булуына карамастан, ул һәркемнең сәламәтлеге өчен файдалы. Без моны бик яхшы аңлыйбыз.

Узган 2012 елның вакыйгаларын барлап...

      Гыйнвар башы- ел башы. Күңелле, эчтәлекле итеп узган Яңа ел бәйрәмнәреннән соң, узган чиреккә хисап ясаганнан соң, укучыларның иң кызыклы, көтеп алган көннәре- каникул җитә.

         Безнең 10 сыйныф өчен узган елны бары яхшы тәэсирләр белән генә озату аеруча җаваплы эш булды. Беренчедән, алган белемнәрне бәяләп, беренче яртыеллыкка билгелэр чыга, контроль эшләр, диктант- зачетлар- “урак өсте” чоры булса, икенчедән, Яңа елны каршылау- Балмаскарад безнең өстә иде.

          Без, әлбәттә, сынатмадык! Бары тик яхшы билгеләргә генә уку елының ярты өлешен тәмамладык һәм сыйныф җитәкчебез Гөлшат апа Шакирова белән берлектә мәктәп күләмендә Яңа ел кичәсен үткәреп укучыларны, балаларны сөендердек, укытучыларыбызны, килгән кунакларны котладык. Безнең адреска күп кенә рәхмәт сүзләре, комментарийлар яуганнан чыгып, үз эшебездән бик тә канәгать калдык.

15 декабря по русскому языку, а в следующую субботу, точнее 22 декабря, по математике, районным отделом образования организованы тренировочные тестирования в формате ГИА для учащихся 9 классов. До самих экзаменов тоже остаётся уже не много времени, так что желаем всем девятиклассникам очень серьёзно, с большой ответственностью перед собой, перед родителями и перед страной готовиться к экзаменам.

Традицион   рәвешендә ел саен районыбызда сәламәтлек театры үткәрелә.  Бу конкурста бездә Кзылтау мәктәбе укучылары һәм коллективы актив катнашабыз.  Ел саен төрле урыннар алабыз. Быелда районыбызда 3 урын алдык.

В казанском ИТ-парке состоялась церемония награждения победителей Республиканского конкурса «IT-учитель 2012». Лучших преподавателей Татарстана поздравили первый заместитель министра информатизации и связи РТ Юрий Багров, исполнительный директор Центра информационных технологий РТ Татьяна Камалетдинова, заместитель директора ГАУ «Технопарк в сфере высоких технологий «ИТ-парк» Искандер Динисламов, заместитель директора Высшей школы информационных технологий и информационных систем (ИТИС) Ирина Максимова и начальник отдела развития информационных технологий Министерства образования и науки РТ Надежда Сулимова

9 октябрь көнне мәктәбебездә “Команда 2013” конкурсы булып үтте.  Районнан килгән жюри әгъзалары безнең чыгыштан  канәгать булып киттеләр.