5, 6 нчы класс укучылары Сафаров Рәфис һәм Сафаров Фәнисләр математика буенча республика олимпиадасында катнашып район һәм мәктәп данын яклап кайттылар. Аларны укытучылары Фидания Галимзяновна эзерләде. Бу тырыш укучыларга киләчәктә дә уңышлар телэп калабыз.

"Созвездие"ның сайлап алу турында безнең мәктәп укучылары да теләп катнаштылар. 3 класс укучылары Замирә, Зилә, Сөмбел җыр-моңга сәләтләрен курсәтте, ә 5 класстан Лилия һәм Камилә конферанс белән танылдылар. Бу укучылар шулай ук "Дулкыннар" конкурсында да катнашып сәләтләрен күрсәттеләр.

Мәктәптә  бәйрәмгә багышлап хәрби-патриотик айлык бара. Бу айлык кысаларында төрледән-торле чаралар үткәрелә."Төз атучы", "Гер күтәрү", "Күңелле стартлар", "Шашка", "Ягез әле, егетләр"  конкурс-уеннары, "Минем әти-иң яхшы" акцияләрендә укучылар актив катнашалар.Бу көннәрдә "Аҗаган" уеннарына әзерлек бара.

3,5,6 нчы сыйныфтан Нуртдинова Сөмбел, Сафаров Рәфис һәм Сафаров Фәнисләр республикакүләм конференциядә  чыгыш ясап белемнәрен сынадылар. Киләчәктә дә уңышлар телик аларга!

Чаңгы юлына 9-сыйныф укучылары Гибадуллин Булат һәм Гибадуллин Ранил теләп бастылар. Спортны яратучы бу укучылар ярышларда сынатмыйлар, мәктәп данын яклауда зур өлеш кертәләр.

Кышкы салкыннарда канатлы дусларыбызга ярдәм итү максатыннан укучылар җимлекләр ясадылар. Мәктәп каршындагы алмагачларга эленгән җимлекләрдә кошлар рәхәтләнеп җим чүплиләр.

Мәктәбебезнен 8 нче сыйныф укучысы Резчикова Елена районда узган "Замечательный вожатый" конкусында катнашты. 17 мәктәп арасында узган ярышларда ул уңышлы чыгыш ясап мәктәп данын яклады. Аңа киләчәктә дә уңышлар телик!

Бүген Апас мәктәбендә "Учитель года" конкурсының 2-этабы узды. Укытучыбыз Валиева Зөлфия 9 финалист арасында уңышлы гына чыгыш ясап мастер-класс күрсәтте һәм "Учитель-творец" номинациясенә лаек булды. 

Районда узган "Ел укытучысы" конкурсының 1-этабында башлангыч класс укытучысы Валиева Зөлфия катнашты. Ул уңышлы дәрес күрсәтеп 2-этапка узды. Аңа тагын да зуррак уңышлар телик!

Республика олимпиадаларынын район турында безнен мәктәп укучылары да катнашты.5 класстан Рәфис, 6 класстан Фәнис Сафаровлар математика фәне буенча җиңүче булдылар. Фәнис исә Казанда узган "Путь к олимпу" олимпиадасында район данын яклап, үзенең көчен сынап кайтты. Укучыларга, аларны әзерләгән укытучылары Фидания Сафаровага  алга таба тагын да зуррак җиңүләр телик!