Бу күркәм очрашуда Әлмәт шәһәре һәм районы мәгариф идарәсе җитәкчесе урынбасары Зиһаншина Сиринә Мәсгут кызы, Кичүчат авылы Ризаэддин Фәхреддин музее җитәкчесе Гыймранова Диләрә Кави кызы, Әлмәт шәһәре “Ак калфак” оешмасы җитәкчесе Зарипова Ландыш Нәгыймулла кызы һәм башка вәкилләр  катнашты. Фәһим хәзрәт укучыларга үзенең матур теләкләрен җиткерде. Тәртипле булырга, өлкәннәрнең сүзләрен тыңларга, яхшы укырга өндәде.  “Бабайлардан калган әманәт” исемле тәрбияви чарада укучылар кунакларга  өйрәнгән сүрәләрне сөйләделәр. Кичә галим Риза Фәхреддиннең үгет – нәсыйхәтләре, җыр, мөнәҗәтләр белән үрелеп барылды. Тәрбияви чара бәйрәм ашы белән тәмамланды.