30 август -Татарстан Республикасының бәйсезлеге көне. Балаларны шушы көн белән якыннан таныштыру. Татарстан флагын,аның төсләре нәрсә аңлатуын төшендерү.

Бүген безнең авылда 35 ел хезмәт күрсәткән китапханәчебезнең туган көне. Без Зөлфия апабызга шушы олы юбилее белән бакча мөдире, хезмәткәрләр, балалар белән котлау сүзләре җиткердек. Алдагы көннәрендә дә аңа сәламәтлек, бәхет,шатлык телибез.

Сабантуйга барабыз,

Сикерәбез, чабабыз.

Җырлап, биеп алабыз

Уйнап бүләк алабыз

Кирәксез дип танылган, чүпкә чыгарылган материаллардан бәйрәм күлмәкләре тегү уенча "Мода күрсәтү"

Бүген бездә бик моңсу, ямансу да, шул ук вакытта күңелле дә бәйрәм -Чыгарылыш кичәсе. Эсседә кыздырмый, салкында суытмый үстергән балаларыбыз белән хушлашу көне.

Бакчабызда "Белгечләр атналыгында" уртанчылар төркемендә тәрбияче Муллаянова Айсылу математика шөгыле тәкъдим итте. Балалар бик теләп, үз белемнәрен күрсәттеләр

Бүген мәктәпкә әзерлек төркемендә ата-аналар өчен махсус җыелыш уздырылды. Монда тәрбияче Хабипова Лилия һәм  балалар "Укырга өйрәнәбез" түгәрәгенең ничек алып барылышын күрсәттеләр. Яңа инновацион алымнар кулланып, әти-әниләр өчен укырга өйрәнү программалары тәкъдим ителде. Ата-аналарны кызыксындырган сорауларга җаваплар бирелде.

Бүген бакчабызда язның иң беренче, иң күркәм бәйрәме -8март халыкара хатын-кызлар, әниләр, әбиләр,дәү әниләр, кызлар бәйрәме үткәрелде. Егетләр, кызлар үзләренең кадерлеләрен тәбрикләделәр, матур җырлар җырладылар, биюләр белән сөендерделәр. 

Бүген безнең бакчабызда зурлар һәм мәктәпкә әзерлек төркемнәрендә "Матурлык бәйгесе" үткәрелде. Кызлар тәрбиячеләр тарафыннан ясалган прическаларны бакча хезмәткәрләренә тәкъдим иттеләр!