6 октябрь көнне 10 нчы гомуми белем биру мәктәбендә 4б сыйныфы укучылары белән яраткан шагыйрәбез Саҗидә Сөләйманованың тууына 95 ел тулу уңаеннан чара үткәрелде.Кичә бәйрәмчә бизәлгән бүлмәдә “Тормыш,исәнме!”җыры белән башланып китте.Экранда язучының балачагы, мәктәп, студент,яшьлек еллары,гаилә альбомыннан алынган мизгелләр,мөгаллимәлек иткән еллары курсәтелеп барды.Якташыбызның шигырьләрен укучылар тирән хислзр белән сәнгатьле итеп сөйләделәр.Кичәнең музыкаль бизәлеше йөрәкнең иң нечкә кылларын да тибрәндерерлек иде.Укытучылар укучылар белән берлектә Саҗидә Сөләйманова сүзләренә иҗат ителгән “Саубуллашу вальсы”,”Урсал тауда” җырларын башкардылар.Шагыйрәнең иҗатына тирән кызыксыну белән караган мәктәп укучылары, аның иҗатын яратучы укытучыларның йөзләрендә шатлыклы елмаю иде ул көнне.Чыгыш ясаган һәр укучы,һәрбер укытучы язучының шигырьләренә салган барлык хисләрне көчле бер аһәң аша җиткерделәр.