Якташыбыз – бөек мәгърифәтче Ризаэддин Фәхреддин мирасын укыту – тәрбия  процссында куллану иң уңышлы юнәлешләрнең берсе булып тора. Шул уңайдан, 3 нче февраль көнне  2в сыйныфы укучылары белән “Тәрбияле бала нинди булырга тиеш? дигән темага әңгәмә – дәрес уздырдырдык.Дәрес презентация карау белән башланып китте.Караганнардан чыгып,укучылар тәрбияле бала нинди  әхлакый таләпләргә җавап бирергә тиеш икәнен,Ризаэддин Фәхреддиннең “Тәрбияле бала” китабыннан алынган  нәсыйхәтләреннән мисаллар китереп үттеләр:

1.Тәрбияле бала иртән йокысыннан зурлар белән бервакытта торыр;

2.Тәрбияле баланың бит, кул  сөртә торган сөлгесе , тарагы үзенә аерым булыр;

3.Тәрбияле бала үз эшен үзе эшләр. Киемнәрен үзе чистартыр    һәм алар урынлы булыр;

4.Тәрбияле бала дәресендә булган нәрсәләрне аңлап, күңеленә салыр;

5.Тәрбияле бала яхшы юлда йөрер;

6.Тәрбияле бала дусларын, иптәшләрен  кыерсытмас, каты сүз әйтмәс, һич тә кыйнамас;

7.Тәрбияле баланың уены зарарсыз нәрсәләр белән булыр;

8.Тәрбияле бала кечкенәләргә шәфкатьле, олыларга хөрмәтле булыр...

Тәрбияви максатка бай булган мондый   дәресләрдә  әдәп һәм әхлак кыйммәтләре нигезендә балаларның куңеленә кечкенәдән рәхимлелек, мәрхәмәтлелек, сабырлык, олыларга хөрмәт, туган телебезне ярату хисе салына.