17 октябрь көнне "Адымнар-Әлмәт" гимназиясендә "Сабантуй" журналы редакциясе хезмәткәрләре, Әлмәт шәһәре Мәгариф идарәсе башлыгының милли мәсьәләләр буенча урынбасары Сиринә Мәкъсүт кызы Җиһаншина һәм шәһәребез мәктәпләре укытучылары кунак булды. Журналның баш мөхәррире Руфия Рифкать кызы Мөхетдинова укучыларны, килгән кунакларны "Сабантуй " ның 100 еллык тарихы һәм эчтәлеге белән таныштырды. Журналның баш мөхәррире урынбасары Илсияр Илгизәр кызы Галиева исә укучылар белән интерактив оештырды: балалар журнал битләрендә басылып чыккан биремнәрне үтәп, дөрес җаваплар өчен "Сабантуй" журналы һәм китап кыстыргычлары белән бүләкләнде. Руфия Рифкать кызы Әлмәт җирлегендәге аудитория белән очрашу оештырган өчен, гимназиябезгә Рәхмәт хаты һәм истәлекле бүләкләр тапшырды. Кунак ашы кара-каршы, дигәндәй, укучылар да кунакларга моңлы җырларын бүләк итте, үзләрен кызыксындырган сорауларын бирде. Мондый җанлы, җылы очрашулар ешрак булсын иде дигән теләктә калды чарада катнашкан барлык кунаклар.