Г.Тукай туган көн - халкыбыз өчен уртак бәйрәм. Бу көнне шагыйребезгә мәдхия максатыннан шигырьләрен сөйләдек, укыдык. Гаиләләр ясаган кул эшләре буенча әңгәмә үткәрдек. Бәйрәмне "Туган тел" җыры белән йомгакладык.

Бүген безенең бакчада "Төрле яшьтәге балалар төркемендә эшләүнең үзенчәлекләре" темасына район семинары үткәрелде. Семинарга район методисты, һәм 16 тәрбияче килде. Семинар план нигезендә оешкан төстә файдалы үтте.  Төрле чаралар, шөгыльләр тәрбиячеләр күңеленә һуш килде.

Бездә тагын туган көн. Бүген инде икенче акыллы егетебез Данильгә 4 яшь. Аны, аның әти -әнисен әлеге бәйрәм белән котладык. Күңелле ял иттек.

Бүген бакчабызның бер нәни малае -Айратка 2 яшь. Без бергәләп җырлар җырлап, теләкләр әйтеп аны тәбрик иттек.

12 апрель көнне илебез космонавтика көнен билгеләп үтә. Шул уңайдан бакчабызда бу көнне без дә төрле чаралар үткәрдек. Тарих битләренә күз салдык, рәсемнәр ясадык, космонавтлар булып карадык. Бәйрәмгә китапханә мөдире Сираҗева В.Н. да килгән иде.

1-6 нчы апрель атналыгы бакчабызда Китап атналыгы. Атналык барышында китапханәгә бардык, төрле китаплар укыдык, китапларга икенче тормыш бүләк иттек.

Әниләргә булган мәхәббәтне төрлечә күрсәтеп була. Рәсем дәресендә Әниләребезне кәгазь битендә сурәтләп, аларның нинди икәнлекләрен кызып-кызып сөйләшеп алдык.

Әниләргә бүләк ясау да күңелгә рәхәтлек бирә.