Һәрдаим өлкәннәрне кайгыртып яшәү инде традициягә керде. Җиңү бәйрәме алдыннан да район мәгариф бүлеге белән берлектә без “Укучылар иҗаты йорты” хезмәткәрләре сугыш ветераннарын, тыл хезмәткәрләрен олы бәйрәм белән котладык. Аларның хәлләрен белешеп, кулдан килгән ярдәмне күрсәтергә тырыштык. Кайсына каралты – кураларны төзәтештек, бакчада булыштык. Ә бүген мәгариф бүлеге идарәсенең җитәкче урынбасары Загидуллина Нурания Хабибулловна белән “Укучылар иҗаты йорты” директоры Гайфуллина Әнисә Әнәсовна өлкәннәре бәйрәм белән котлап укучылар кулы белән эшләнгән котлау открыткаларын, бәйрәм пакетларын тапшырдылар.