1-3 декабьдә Алексеевск муниципаль районы Биләр авылында «Сәләт» Татарстан Республика яшьләр иҗтимагый фонды «Сәләт «Яшьләр үзәге» дәүләт бюджет учреждениесе белән берлектә Татарстан Республикасы Яшьләр эшләре министрлыгы, Татарстан Республикасы Мәгариф һәм фән министрлыгы, Казан федераль университеты, Алексеевск муниципаль районы администрациясе ярдәме белән «Әнвәр Хәйри укулары» республика яшьләр фәнни-гамәли конференциясен үткәрде. Әлеге конференциядә Түбән Әлки мәктәбеннән 2 укучы катнашты: Шәйхетдинов Илфат Илшатович (җитәкчесе Газизова Р.М.) һәм Губайдуллина Динә Фәритовна (җитәкчесе Мингалимова Н.Н.). Аларның эше 100 эш арасында 50 эш арасына керде һәм катнашучы сертификаты бирелде. Ә икенче турда дәрәҗәле жюри каршында чыгыш ясап Шайхутдинов Илфат җиңү яулады. Ул җиңүче дипломы белән бүләкләнде. Уңышлар сиңа, Илфат!