Кичә 13нче март көнне 5нче сыйныф укучылары сыйныф җитәкчесе Гибадуллина Г. Х. җитәкчелегендә һәйкәл янындагы карны чистарттылар. Шул ук көнне һәйкәлгә ремонт башланды.

Бүген 5 - 9нчы сыйныф укучылары "Кадетские корпуса Приволжского Федерального округа" дип аталган презентацион ролик карадылар.

Башлангыч сыйныфлар атналыгы уңаеннан 4 сыйныфта Әйләнә-тирә дөнья һәм әдәби укудан интегральләштерелгән ачык дәрес үткәрелде. Темасы: "Гөмбәләр серен белү кирәк"

Башлангыч сыйныфлар атналыгы уңаеннан 1 сыйныфта математикадан "Ике гамәлле мәсьәләләр чишү" темасы буенча ачык дәрес үткәрелде.

Районкүләм Сугыш еллары җыр конкурсында безнең мәктәптән 6нчы сыйныф укучысы Кәримова Зилә катнашты.

Башлангыч сыйныфлар атналыгы уңаеннан 10нчы мартта "Әлифба" бәйрәме үткәрелде. Бәйрәмгә әти-әниләр чакырылды.

"Мисс Карга мәктәбе 2015" конкурсында - Нәни Мисс таҗына Гайнетдинова Гөлсирин (3нче сыйныф) Мисс Карга мәктәбе таҗына Шайхетдинова Рәзилә (5нче сыйныф) лаек булдылар. Конкурсны җыр һәм рәсем укытучысы Фаттахова Г. Х. оештырды.

Карга мәктәбендә төрле юнәлештәге түгәрәкләр эшли. Аларның эшчәнлек нәтиҗәләрен һәрдаим үткәрелә торган ачык чараларда күрергә мөмкин.Әдәбият елы уңаеннан, Бөек Ватан сугышы тәмамлануның 70 еллыгын каршылап "Халык җәүһәрләре" түгәрәге укучылары 5нче март көнне М. Әмирнең "Тормыш җыры" спектаклен сәхнәләштерделәр. Артистларыбыз бик уңышлы чыгыш ясадылар. Сугыштагы солдат хәлләрен, тылдагы гади халык тормышын образлы итеп, халыкчан тасвирлап күрсәттеләр. Әсәрне сәхнәгә түгәрәк җитәкчесе Галиуллина Г. Ә. куйды.

Башлангыч сыйныфлар атналыгы уңаеннан 3-4нче сыйныфлар 4нче март көнне "Әни - иң кирәк кеше" темасы астында ачык чара үткәрделәр. Бәйрәмгә әниләр килделәр, уеннарда бик теләп катнаштылар.

2015 год - год Литературы. В нашей школе проводятся много мероприятий посвящённые этому году. 

4 марта на базе Детского дома творчества прошёл районный тур, где приняла участие победитель  школьного тура конкурса "Живая классика" Шагитова Ляйсан (7 класс). Поздравляем!