Тәбия сәгатьләре бу атнада куркынычсызлык темаларына багышланды. Бигрәк тә боз өсләрендә йөрмәскә дип кабат -кабат кисәтелде.

Киләсе ел өчен газета- журналларга язылу дәвам итә. Безнең мәктәпнең һәр классы бер балалар журналына яисә газетасына язылды. Укучылар дәрестән тыш шөгыльләрдә, класс сәгатьләрендә күзәтү ясыйлар. Укучыларыбыз вакытлы басмаларга ,уздырылган бәйрәмнәр турында да, үзләренең иҗатларын да җибәрәләр

Тәрбия эшләре буенча директор урынбасары Кадыйрова Зәлифә Илнур кызы 7,8, 9 класс укучылары белән наркоманиягә каршы көрәш темасы буенча чара уздырды. Презентация күрсәтте. Сорауларга җавап бирелде.

Китапханәче Сайфуллина Люция башлангыч класс укучыларын  балалар өчен язылган китаплар белән таныштырды, кыскача эчтәлекләрен сөйләде.

Бүген дәресләр башланганчы гимнастик күнегүләр эшләдек.

9 класс укучылары рус теленнән сынап карау эше башкаралар. Уңышлар телибез.

Район күләмендә бик күп бәйгеләр уза. Безнең укучылар да теләп катнашалар. Бүгенге көндә рәсем, эшләнмәләр конкурсына материаллар җибәрелде.Нәтиҗәләр көтәбез.

Дежур укучлар , шефлык отрядлары чыгыш ясады.7 класс укучысы Солтанова Нәзилә Бөек Ватан сугышы ветераны Вәлиев Тәфкил абыйга ярдәмгә барды.

Концертка әзерләнәбез. Шулай ук күргәзмә дә әзерлибез. Күргәзмәгә дәрестән тыш шөгыльләрдә ясаган эшләнмәләрне куячакбыз