Хөрмәтле хезмәттәшебез Дилбәр Дәнифовна! Сезне чын күңелдән гомер бәйрәмегез — 60 яшьлек юбилеегыз белән котлыйбыз! Бу көн сезнең өчен генә түгел, ә Сезне белгән һәркем өчен зур бәйрәм, чөнки Сез — олы йөрәкле, искиткеч сабыр һәм мәрхәмәтле кеше. Сезнең 40 ел гомерегез мөмкинлекләре чикле балалар өчен мәктәп-интернатта эшләүгә багышлануы — чын фидакарьлек ул. Сез үзегезнең йөрәк җылыгызны, назыгызны, күңел байлыгызны иң авыр язмышлы сабыйларга биргәнсез. Аларның һәрберсе Сезнең ярдәмегезне, аналарча кайгыртуыгызны тоеп үскән. Бу — бәяләп бетергесез хезмәт! Ул бары тик изге күңелле кешеләргә генә хас.Бүгенге бәйрәм көнегездә Сезгә ныклы сәламәтлек, җан тынычлыгы, гаилә бәхете телибез! Балаларыгызның, оныкларыгызның игелеген күреп, тормыш иптәшегез белән тигезлектә, озак еллар яшәргә язсын. Һәр яңа көн Сезгә бары тик шатлык-куанычлар, күңел күтәренкелеге генә алып килсен.Күңелегез һәрвакыт яшь, йөзегездән нур китмәсен! Гомерегезнең бу матур мизгелләре бәхет-шатлык белән тулы булсын! Хөрмәт белән Такталачык мәктәп-интернат коллективы һәм профсоюз.