1992 елның 21 мартында Татарстан суверенитеты турында референдум үткәннән соң, Татарстан Конституциясен язу зарурилыгы туа. Аны әзерләү өчен махсус комиссия оеша. Яңа Конституцияне язу катлаулы вәзгыятьтә бара: Татарстан статусы турында федераль үзәк белән даими сөйләшүләр алып барыла.

29 нчы октябрь көнне мәктәптә 6-9 нчы сыйныфлар арасында "Көзге балл" бәйрәме булды. Һәр класс үзенчәлекле видеолар төшереп тамашачыларга тәкъдим иттеләр. Җиләк-җимешләрдән, яшелчәләрдән торган букетлар алып килгәннәр иде һәм аны һәрбер класс үзенчәлекле итеп яклады. Бәйрәм уеннар һәм концерт номерлары белән үрелеп барды. Соңыннан бәйрәм чәй өстәле артында дәвам итте .Җиңүчеләр бүләкләнде.

19 нчы октябрь көнне "Батыр" спорткомплексында М.Гыйлаев призына милли көрәш ярышлары узды. Татарча көрәш буенча РСФСР ның – ике, Татарстан Республикасының санап бетергесез чемпионы, Актаныш Сабантуеның күптапкыр абсолют батыры Марсель Шакир улы Гыйлаев истәлегенә үтүче көрәш турниры аның вафатыннан соң Энгель Фәттахов инициативасы белән гамәлгә куелып, келәм батырының  исеме шул рәвешле мәңгеләштерелде.  5 нче сыйныф укучысы Вәлиев Таһир 2 нче урынны алды, Исламов Гадел грамота белән бүләкләнде. Аларга алдагы ярышларда да уңышлар теләп калабыз. Тренерлары Сираев Р.

24 нче октябрь көнне Иске Кормаш төп гомуми белем бирү мәктәбендә район тәрбия эшләре буенча директор урынбасарларының семинары булып узды. Барлык класслар да патриотик юнәлештә ачык сыйныф сәгатьләре узды, кунаклар ике музейда да экскурсия дә булдылар. Тәрбия эшәре буенча директор урынбасары Мәрданова Әдилә Әхсән кызы ачык чара күрсәтте һәм 2018-2019 нчы елда эшләгән эшләренә анализ ясады.

25 нче октябрь көнне Иске Кормаш белән Кыркаентүбә арасын тоташтырган өр-яңа юл рәсми төстә ачылып, ул файдалануга тапшырылды. 

Авыл халкының сөенечен район җитәкчелеге дә уртаклашты. “Татавтодор”ның Минзәлә бүлекчәсе хезмәткәрләренең зур тырышлыгы белән сафка баскан асфальт юл озак еллар авыл халкына хезмәт итсен. Иң мөһиме: юллар имин булсын. Безнеж мщктщп укучылары да бу чарада катнашты.

18 октябрьдә 2 нче санлы Актаныш мәктәбе базасында башлангыч класс укытучыларының "Башлангыч мәктәптә критик фикерләү технологияләрен куллану" исемле төбәкара семинар узды. Семинар кысаларында  ачык дәресләр, мастер-класслар күрсәтелде. Эш тәҗрибәләрен уртаклашу  максаты белән үзебезнең район укытучыларыннан тыш Сарман, Мөслим, Минзәлә, шулай ук Башкортстанның Чакмагыш һәм Илеш районыннан укытучылар җыелды. Бу чарада безнең мәктәптән Ибраһимова Роза катнашты.  Семинар ахырында чыгышлар, түгәрәк өстәл оештырылды.

21-28 октября в школе пройдет сдача образовательного минимума за 1 четверть 2019-2020 учебного года в 2-4 классах по математике, русскому языку, английскому языку, окружающему миру и по родному языку, в 5-9 классах по математике, русскому языку и по английскому языку.

20-28 нче октябрь көннәрендә 2-9 нчы сыйныф укучылары  1 нче чирек өчен фәннәрдән контроль эшләр һәм тестлар тапшыралар.

15 нче октябрь көнне 9 нчы сыйныф укучылары Актанышта һөнәри юнәлеш бирү буенча экскурсиядә булып кайттылар. Аларга Актаныш районының иң зур җитештерү производстволарыннан саналган икмәк кабул итү предприятиесе һәм агрегат заводлары үз ишекләрен ачты. Эшләү шартлары һәм  заманча технологияләр белән таныштылар. Тугызынчы сыйныфны тәмамлап, киләчәктәүз юлларын сайлау алдында торучы укучылар өчен ресурс үзәктә күп санлы мастер-класслар  күрсәтелде.

Мәктәптә өлкәннәр ункөнлеге кысаларында1-5 нче сыйныфлар арасында рәсем ясау конкурсы, 6-9 нчы сыйныфлар арасында газета чыгару конкурсы булып узды. Һәр класс бу чарада бик актив катнашты.