Без бүген зурлар һәм  мәктәпкә хәзерлек төркеме балалары белән берлектә "Мәликә" чишмәсенә сәяхәт кылдык.Максатыбыз : авылыбызның сулыклары белән танышу ,тирә-юнен бераз чистартып,чишмәләргә карата сак караш тәрбияләү һәм хезмәт тәрбиясе бирү иде.

Балалар бакчасында "Балалар бакчасы белән ата-аналарның сәламәтлекне саклау буенча уртак эше.Гриппка каршы профилактик чаралар үткәрү" исеме астында гомуми ата-аналар җыелышы булып узды.Кунакка район хастаханәсенең балалар табибы Губайдуллина Руфия Нәсих кызы килде.Ул ата-аналарны прививкаларны үткәрүнең мөһимлеге турында  сөйләде.

Балаларга кече яшьтән үк һөнәрләрнең күптөрле булуын аңлатып үстерсәк,бәлки бу һөнәрне сайлаучы кыз һәм малайлар саны да артыр дигән максатта,сәяхәтебезне кибеткә юнәлттек.Балаларны сатучы һөнәре белән таныштырдык.Сатучы һөнәренең нинди булуын якыннан күргән балалар өчен бик тә кызыклы булды.

Хәрәкәттә –бәрәкәт!

Тәнгә керә көч һәм дәрт.

Тәнгә сихәт, җанга рәхәт,

Хәрәкәткә мең рәхмәт!

Зурлар группасы балалары тәрбиячеләре Гибадуллина Л.Х. белән  балалар бакчасының "Тарихи музейында" булдылар.Музейдагы татар халкының милли гореф -гадәтләре, милли киемнәр, йорт җиһазлары белән таныштылар. Балаларда күзаллау, фикерләү, акыл сәләтләре үстерелде, зур кызыксыну уятылды.

Күрче дөнья  нинди матур!

Гөл, чәчәкләре белән.

Гөлбакчабыз гөрләп тора

Нәни балалар белән.

Балалар кечкенәдән үк рәсемнәргә бик яраталар. Алар үзләренең уйларын кәгазьдә генә түгел, асфальта да сүрәтлиләр.Алар тыныч җир, тыныч имин ил телиләр!

Балалар кырмыскалар кебек бик тиз "Кырмыска әкиятләрен" әкият -мультфильмнәрен карарга залга  ашыктылар.Мультфильм  халык мәкальләренә нигезләнеп төзелгән,ә мәкальләр халыкның зирәклеген, хикмәтлелеген үзенә туплаган бетмәс- төкәнмәс хәзинә.Мәкальләрнең асыл чыганагы- киңкырлы һәм катлаулы тормыш үзе.Халыкларның еллар, гасырлар буена тупланган тәҗрибәсеннән туган мәкальлә р буыннан -буынга  тапшырылып килә.Әкияти  кырмыскада  халыкның  хикмәтләр тулы сандыгы бар.Зирәк карт кырмыска андагы мәкальләрнең асылын кырмыска балаларына аңлата.

"Тылсым" балалар бакчасында конференция булып узды.Ёщр тщрбияче конкурска күпфункцияле модульләр эшләп алып килделәр, мастер-классларда катнашып эш тәҗрибәләре белән уртаклаштылар

Арыш, бодайларны без

Яз көне чәчкән идек

Җәй буена су сиптек

Зур үскәнен без күрдек.

Яшелчә бакчасында арыш, бодай бөртекләреннән нинди культуралар үсеп чыгуын күзәттек.Балаларга икмәкнең җирдә үсүен, аңа игенчеләр күпме хезмәт куюы турында  тәрбияче Әлфия апалары  сөйләде.Балаларда икмәккә карата хөрмәт тәрбияләнде.