Бөек  шагыйребез Г.Тукайның туган көненә багышланган зур чара бакчабызда да бик матур, эчтәлекле үтте. Музыка залында  шагыйрьнең портреты, китаплары, әкиятләреннән иллюстрацияләр, геройлар  күргәзмәсе оештырылган иде. Музыка җитәкчесе Айдар Мулланур улы балаларны шагыйрьнең тормыш юлы һәм иҗаты белән таныштырды, зурлар һәм мәктәпкә әзерлек төркеме балалары тарафыннан кызыклы әкият  сәхнәләштерелде. Балалар әкиятне зур кызыксыну белән карадылар, геройларның кылган гамәлләренә дөрес бәя биреп, үзләренә дә тәрбияви яктан күп кенә мәгълумат алдылар.