Эксперимент- мәктәпкәчә яшьтәге балалар белән эшчәнлектә, танып белү  өлкәсе буенча киң кулланылган алымнарнаң берсе булып тора. Балалар эксперименты барлык төр эшчәнлекләр: беренче  чиратта  күзәтү һәм  хезмәт белән  тыгыз бәйләнгән.  Тәҗрибә мәйданчыгында балалар тәрбияче апалары белән бергәләп, программа таләпләренә  туры китереп, бөртекле культуралардан  бодай, борчак, кукуруз, көнбагыш чәчтеләр. Апалары белән бергәләп су сибеп, чүп үләреннән арындырып, аларның үсеше белән кызыксынып  тордылар. Балаларда хезмәт күнекмәләрен  булдыру, күзәтүчәнлекләрен үстерү максатыннан оештырылган әлеге тәҗрибә эшчәшнлеге аларда  канәгатьләнү хисе генә түгел, үз-үзләре белән горурлану тойгысы да уятты.