18 сентябрьдән -21 сентябрьгә кадәр республикада "Җәяүлеләр юлы!" ("Пешеходный переход!") акциясе  старт алды. Бу акциянең  максаты -юллардагы юл хәрәкәте иминлеген саклау.

Бакчабызда әлеге акция кысаларында  зурлар һәм мәктәпкә әзерлек төркеме балалары белән (тәрбиячеләр Р.Ф.Камалова, Р.Г.Ахатова)  чара үткәрелде. Әлеге чарада Яр Чаллы шәһәре территориаль бүлегенең Актаныш районындагы бүлек җитәкчесе  Рәсимә Заһит кызы Сәетова һәм бәлигъ булмаган балалар белән эшләүче инспектор Динара Алмаз кызы Багавиевалар катнашты. Чарада катнашкан балаларга  яктырткыч билгеләр, бакчага методик ярдәмлекләр тапшырдылар.

Кече яшьтән үк балаларны юл йөрү кагыйдәләренә өйрәтү без-өлкәннәрнең зур бурычы. Балалар белән кем  ул җәяүле, юлда җәяүле кайдан хәрәкәт итәргә тиеш кебек сораулар биреп аларның белем һәм күнекмәләре ныгытылды. Соңыннан балалар җәяүле юлын рәсемдә сурәтләделәр.

Мәктәпкә әзерлек төркеме балалары (тәрбиячесе О.В.Имамова) яңа төзелгән "Сандугач" балалар бакчасына экскурсиягә кереп, уен мәйданчыгы, группа бүлмәләре белән танышып чыктылар. Балалар әлеге бакчага күчүләрен зур түземсезлек белән көтәләр.