Соревнования командные, из нашей школы принимает участие сборная команда. ООбщее руководство проведением соревнований осуществляет отдел по делам молодежи, спорту и туризму Исполнительного комитета муниципального района, непосредственное проведение соревновании возлагается на ДЮСШ, главный судья соревнований: Р.П. Нуриахметов.

Программа соревнований для ООШ:

2 этап 600м. (юн)

3 этап 200м. (д)

4 этап 400м. (юн)

5 этап 100м. (д)

6 этап 200м. (юн)

Бүген "Экояз" кысаларында Исполком каршысындагы паркта сыерчык оясы элү тантанасы узды.  Бу тантанада безнең мәктәптән 9 класс укучылары Фаррахов Фәнис һәм Ситдиков Риназ катнаштылар. Алар Әхмир абый җитәкчелегендә үз куллары белән ясаган сыерчык оясын шушы паркта элеп куйдылар.

17 апрель көнне, аерым фәннәрне тирәнтен үзләштерүле икенче санлы Актаныш урта гомуми белем бирү мәктәбе базасында инглиз теле буенча төбакара семинар узды. “Заманча дәрес. Инглиз телен укытуда традицияләр һәм инновацияләр” исеме астында узучы ачык чарада районның инглиз телчеләре, Татарстанның Минзәлә районы педагоглары белән беррәттән Башкортстан республикасының Нефтекама шәһәреннән, Илеш һәм Югары Яркәйдән дә инглиз теле укытучылары – кырыкка якын педагог катнаша. Аларны мәктәп директоры И.Р. Вахитов сәламләп, мәктәп тормышы белән таныштырды. Актаныш районында, шул исәптән икенче санлы мәктәптә дә,  инглиз теленә мөһим урын бирелә. Ул балалар бакчасында ук өстәмә шөгыль буларак  өйрәнелә. 

Яз саен аерым фәннәрне тирәнтен үзләштерүле икенче санлы Актаныш урта гомуми белем бирү мәктәбе  инглиз теле буенча мондый төр ачык чаралар оештырып тора. Быел аның төбәкара югарылыкка күтәрелүе дә сөенечле фал. Үзара тәҗрибә уртаклашуны, эшчәнлек белән танышуны алмаксат итеп куйган семинар киләсе елларда да нәтиҗәле эшләр дигән ышаныч бар. Бүгенге көндә Актанышның икенче мәктәбендә алты дистәдән артык мөгаллим-мөгаллимә балаларга белем һәм тәрбия бирә. Аларның алтысы – чит тел, ягъни инглиз теле педагоглары. Кулга-кул тотынышып, максатчан башкарылган эш үз уңышлары белән сөендерә: инглиз теле буенча районкүләм олимпиадаларда  мәктәпнең 9 призлы урыны бар. Киләчәктә коллектив үз позицияләрен республика күләмендә ныгытырга исәп тота. Өстәвенә, биредә 1 -8 сыйныф укучылары өчен инглиз теле буенча өстәмә сәгатьләр дә каралган. 

Укучыларның чит телдә иркен аралашуын, җыр һәм шигырь башкару осталыкларын районыбыз кунаклары  семинар дәвамында тамаша кылды. Чараның практик өлеше кысаларында педагоглар өчен ачык дәресләр, мастер-класслар оештырылып, аларда һәр сыйныф укучысы актив катнашты. Аналитик блокта исә педагоглар тәҗрибә уртаклашып, чыгышлар тыңлады. 

Эко-яз 2019” акциясе кысаларында гамәлләштерелгән тәрбияви чара районда тәүге тапкыр гына оештырылса да, мәктәпләр, балалар бакчалары аңа бик теләп кушылган. 

Башта бакчалар, мәктәпләр үзләрендә иң яхшы сыерчык ояларын билгеләгәннәр, арадан иң-иң дип табылганнарын исә бүген Актанышта тупладылар. Сыерчык оясын ясаган укучылар, аларның мөгаллимнәре, үзләренең оялары белән үзәктәге Ленин паркына – кошлар бәйрәменә килде. 

Район мәгариф идарәсе оештырган акция ярдәме белән укучылар, бакча нәниләре, аларның әтиләре, бабалары тарафыннан  сыерчыкларга өр-яңа 40тан артык оя ясалган. Алар арасында төрле ысуллар белән, төрле материалдан, төрле бизәкләр белән эшләнгәннәре дә шактый иде. 

Ленин паркы балаларның шат авазларына күмелде. Барлык оялар да парк агачларына урнаштырылды. 
Хәзер инде кошларга күңелләренә хуш килгән ояны сайлап, гаилә кору эшенә керешәсе генә калды. 

“Кошларга карата битараф булмаган, акциядә актив катнашкан барлык балаларга сыерчыклардан һәм үз исемебездән зур рәхмәт сүзләрен җиткерәбез”, - диде чарада катнашкан район мәгариф идарәсе җитәкчесе урынбасары Айнур Гыймадиев. Сыерчык оясы алып килгән һәркемгә бүләкләр тапшырылды.

2019 елның 15-16 апрелендә "Балалар иҗаты үзәге" базасында 1-8 сыйныф укучылары өчен инглиз телендә "Инглиз һәм Америка авторларының әсәрләре буенча театр куелышлары" дигән район конкурсы үткәрелде. Безнең мәктәпнең 6 сыйныф укучылары бу бәйгедә "Винни Пух" әкиятен сәхнәләштереп, уңышлы гына чыгыш ясадылар.

"Экояз-2019" кысаларында безнең мәктәп укучылары әти-әниләре белән сыерчык оялары ясадылар. 

12 нче апрель "Космонавтика көне" уңаеннан "Юрий Гагарин белән 108 минут" акциясенә кушылып "Космос - бу без!" тематик чарасы үткәрделәр.  Чара барлык укучыларга да ошады.