Бүген районыбызга эшлекле визит белән Татарстан Республикасы Рәисе ярдәмчесе, «Алдынгылар хәрәкәте» илкүләм яшьләр һәм балалар хәрәкәтенең республика бүлеге җитәкчесе Тимур Сөләйманов килде.
Җиңү паркында һәм “Яшьлек” яшьләр үзәгендә ул районның яшь лидерлары, укучылар берләшмәләре активистлары белән очрашты.
“Ялкын” балалар оешмасы варислары гимназиябездә алып барылган эшчәнлек, алдынгылар хәрәкәте белән таныштырды. Балалар хәрәкәтенең республика бүлеге җитәкчесе Тимур Сөләймановтан интервью да алды алар.
Очрашуда гимназиябез директоры Венера Хәмәтнәсыйх кызы Хәева-Хәмитҗанова, тәрбия эшләре буенча директоры урынбасары Ленар Зөфәк улы Шәвәлиев катнашты.

Фән һәм техника өлкәсендә кече предприятиеләрне үстерү фонды тарафыннан, кечкенә шәһәрләр һәм авыл мәктәпләрендә белем алучы укучылар өчен оештырылган "АгроНТРИ -2023" бөтенрәсәй конкурсының регионара этабы быел да Казан дәүләт аграр университеты базасында узды. Гимназиябезнең укучылары Валиева Алинә (7А) һәм Ямалов Азамат (7Б) читтән торып үткәрелгән турда җиңүче исеменә лаек булып, Казан дәүләт аграр университетында үткәрелгән бәйгедә унышлы чыгыш ясадылар. Валиева Алинә - "АгроБио" (җитәкчесе Валиева Алсу Риф кызы), Ямалов Азамат "АгроКоптер"(җитәкчесе Ямалов Филарис Фәнис улы) юнәлешләрендә практик һәм теоретик биремнәр буенча сынау биреп, диплом белән бүләкләнделәр. Укучыларны котлыйбыз, аларга киләчәктә дә уңышлар юлдаш булсын!

 2А сыйныф укучылары Робототехника, сәнәгать дизайны  дәресендә.

Гимназия яны участогы - тәрбия мәйданчыгы ул. Интернатта яшәүче балалар чәчәкләргә су сибәләр, чисталык һәм матурлыкны булдыруда үзләреннән өлеш кертәләр.

8 сыйныф укучылары - Гео/АЭРО юнәлеше.

Гимназиябездә 17 май көнне узачак "Проектлар ярминкәсе"нә әзерлек бара..

Кәрим Тинчурин исемендәге Татар дәүләт драма һәм комедия театры артистлары бүген Актаныш сәхнәсендә гимназиядә эшләгән татар теле һәм әдәбияты укытучысы - Татарстанның Халык укытучысы Ләйсән Әминованың “Яратам! Бетте-китте!” дип исемләнгән җырлы-биюле комедиясен уйнады.
Спектакльнең режиссеры – Россиянең атказанган, Татарстанның халык артисты Зөфәр Харисов.
-Рәхмәт театр директоры Фәнис Мөсәгыйтовка, баш режиссер Туфан Имаметдиновка. Әле исеме әдәбият дөньясына билгеле дә булмаган бер ханымның әсәрен репертуарга алдылар. Режиссер Зөфәр Харисовка, артистларга рәхмәт. Тамашачының басып бик озак алкышлавы - алар уенына зур бәя ул. Ә мин бик шат! Әсәремнең Казан сәхнәсендә, Актанышта куелуына да, гаиләм, балаларым, туганнарым, дусларым янәшәмдә булуга да. Иң сөенгәнем -төрле елларда укыткан укучыларымны күрү. Алар күңеленә укытучыны хөрмәтләү, театрга мәхәббәт салуым белән бәхетле мин, - ди Ләйсән Галиәкбәр кызы.
Без дә Ләйсән ханым спектакль башланыр алдыннан коллективыбыз белән котладык.
Гимназиябез директоры Венера Хәмәтнәсыйх кызы Хәева-Хәмитҗанова Ләйсән Галиәкбәр кызына, киләчәктә дә иҗади уңышлар теләп, чәчәк гөлләмәсе тапшырды.

Яр Чаллы «Кванториум» күчмә технопаркы гимназиябезгә ике атналык укыту курсларына килде. “ГЕОКВАНТУМ”, “ПРОМРОБО КВАНТУМ”, “ХАЙТЕК”, “VR/AR-КВАНТУМ” юнәлешләрендә 184 укучыбыз белем ала. 8А сыйныф укучылары Сәнәгать дизайны буенча проект якларга әзерләнә.

20 һәм 31 май көнне, 9.00 сәгатьтә укучыларны 5 сыйныфка сайлап алу имтиханнары була. Мөрәҗәгать итү өчен - 89393319495, Римма Гранит кызы Баһаутдинова.

Башлангыч сыйныфларның методик берләшмә эшенә еллык нәтиҗә ясалды бүген. Киңәшмәдә директорыбыз Венера Хәмәтнәсыйховна Хәева, директорның инновацион-методик эшчәнлек буенча урынбасары Юлия Валентиновна Әмирҗанова һәм район мәгариф идарәсенең башлангыч сыйныфларның методисты Имамова Роза Әсгать кызы катнашты. Укытучыларыбызның эшчәнлеге югары бәяләнде.