Уеннар, җырлар, биюләр аша балаларда халкыбызның милли традицияләренә, милли йолаларына ихтирам тәрбияләү; балаларның иҗади сәләтләрен, сөйләмнәрен, сәнгатьле уку күнекмәләрен үстерү, туган җирне ярату хисләре тәрбияләү максатында бакчабызда милли бәйрәмнәр үткәрүгә зур игътибар бирелә. Бүген дә логопед зурлар һәм логопед мәктәпкә әзерлек төркеме балалары белән "Сөмбелә" бәйрәме үтте. Бәйрәмдә балалар көз турында шигырьләр сөйләделәр, җырлар җырладылар. "Гөмбәләр", "Зонтиклар" биюләрен башка төркем балалары бик яратып кабул иттеләр. Бәйрәмгә кунак булып килгән Карачкы, Көз кызы Сөмбелә бәйрәмгә тагын да ямь өстәделәр. Бәйрәмне әзерләгән Ганиева Л.М., Салихзянова А.Ф., Халилова А.А., Шайхутдинова Г.Р. ларга зур рәхмәт.

Календарьда октябрь уртасы булса да, табигатьтә әле - алтын көз. Бу матурлыкны тагын бер күреп калу максатында логопед төркеме балалары көзге табигатьтә сәяхәттә булдылар. Шул уңайдан, ике куянның койрыгын тотып, үзебездз озак еллар пешекче булып эшләгән Галия апаларының да хәлен белеп кайттылар.

Октябрь уртасы булуга карамастан, бакчабыз кояштай чәчәкләргә күмелеп, балкып утыра. Бакча хезмәткәрләренең җәй буе карап үстергән гөл-чәчәкләре күзләрне иркәли, көн дә иртән әти-әниләрне, балаларны, хезмәткәрләрне каршы алып, озатып калалар. Бакчабызның матурлыгына сокланмый мөмкин түгел!

Рус халык әкиятенә нигезләнеп куелган "Төлке-хәйләбикә" әкиятен сәхнәләштереп әти-әниләребезгә дә күрсәттек. Алар безнең чыгышны бик ошаттылар.

Зурлар мәктәпкә әзерлек төркеме балалары тәрбиячеләре Салихзянова А.Ф.. җитәкчелегендә "Могъҗизалы теремкәй" әкиятен сәхнәләштереп, башта балалар бакчасы балаларына, ә кич әти-әниләренә күрсәттеләр. Ә соңыннан укытучы-логопед Нуртдинова Ф.Г. ата-аналар белән семинар үткәрде.

Халыкара укытучылар көне уңаеннан, Актаныш районы мәгариф хезмәткәрләренә багышланган бәйрәмдә безнең тагын бер тәрбиячебез: Шайхутдинова Ч.Т. бүләкләнде. Ул хезмәтендә югары нәтиҗәләре өчен Актаныш районы башлыгының Рәхмәт хатына лаек булды. Котлыйбыз, Чулпан! Эшеңдә тагын да зуррак уңышларга ирешүңне телибез!

Пенза шәһәреннән үк килгән театр бик нык тәрбияви әһәмияткә ия булган "Как баба яга нашла своё счастье" театры куеп балаларны сөендерделәр.

Халыкара укытучылар көне уңаеннан, Актаныш районы мәгариф хезмәткәрләренә багышланган бәйрәмдә безнең тәрбиячебез Ганиева Л.М. Татарстан республикасы Фән һәм Мәгариф министрлыгының күкрәк билгесе белән бүләкләнде. Котлыйбыз, Ләйсән! Бүләкләрнең тагы да зурракларын алырга язсын!