Бүген, 2 октябрь көнне, безнең мәктәбебездә башлангыч сыйныф укытучылары өчен «Яңартылган ФГОС нигезендә дәрес һәм дәрестән тыш эшчәнлек» темасына район семинары узды. Семинарда укытучылар үз тәҗрибәләрен уртаклаштылар: ачык дәресләр күрсәттеләр, класстан тыш чаралар үткәрделәр, укучыларның проект эшчәнлеген якладылар, балалар бакчасы коллективы белән берлектә әкият сәхнәләштерделәр. Һәрбер дәрес һәм чара  үзенең кызыклы фикере, үзенчәлекле алымнары белән аерылып торды. Балалар да актив катнаштылар, үз проектлары белән горурландылар — аларның кызыксынуы һәм тырышлыгы ачык күренде. Район мәгариф бүлеге методисты Роза Әсгатовна Имамова мәктәп эшчәнлеген уңай бәяләде. Бу — безнең коллективның бердәмлеге һәм һәрбер укытучының тырышлыгы нәтиҗәсе.