Әлфия Авзалова исемендәге мәдәният сараенда Укытучылар көненә багышланган бәйрәм чарасы узды. Кичәдә мәгариф хезмәткәрләрен һөнәри бәйрәмнәре белән котладылар, хезмәт алдынгыларына һәм һөнәри бәйгеләрдә уңышка ирешкән педагогларга бүләкләр тапшырдылар. Безнең мәктәп укытучылары да бу тантанада катнаштылар, лаеклы бүләкләрен кабул итеп алдылар. Бәдертдинова Зөһрә Баязит кызы Актаныш муниципаль район башлыгынын мактау грамотасына ия булды, Галиева Ландыш Илгиз кызы Татарстан фән һәм мәгариф министрлыгынын телләрне, мәдәниятләрне,традицияләрне саклау һәм үстерү өчен күкрәк билгесе белән бүләкләнде. Мөгаллимнәребезне чын күңелдән котлыйбыз! Алдагы көннәрдә дә зур уңышлар телибез!