Бер генә патриотик акция дә бушка узмый, чөнки күңелләрдә эз калдыра. «Окоп шәме» акциясе кысаларында Аккүз төп гомуми белем бирү мәктәбе укучылары алгы сызыктагы сугышчылар өчен окоп шәмнәре ясадылар. Окоп шәмнәре ясау буенча мастер-классны Шәйдуллина Ләйлә Наил кызы үткәрде. Укучылар бу шәмнәрнең ни өчен кирәклеген, сугышчыларга нинди ярдәм китерәчәген аңлый, шуңа күрә барысын да чын күңелдән эшлиләр. Моның ниндидер хобби яки мавыгу түгел, ә Ватанга ярдәм икәнен аңлыйлар. Алар ясаган һәр блиндаж шәме фронттагы солдатларга ярдәм итәчәк. Бу җентеклерәк эш, күп вакыт таләп итә. Безнең мобилизацияләнгәннәр өчен окоп шәмнәре бик мөһим һәм кирәк. Мондый шәм 6-7 сәгать чамасы яктылык һәм җылылык биреп яна. Аны сүндереп, яңадан кабызырга мөмкин. Шәм янында җылынырга, аяк киемен киптерергә, ризыкны җылытырга, су кайнатырга була. Шәмнәр посылкаларга тутырылачак һәм СВО сугышчыларына җибәреләчәк. Күңел җылысы символы буларак, аеруча игелекле балалар кулы белән ясалган шәмнәр һәр солдатны җылытыр дип өметләнәбез!