Мәктәптә ТАССРның 100 еллыгын билгеләп үтүнең чираттагы чарасы узып китте. Бу юлы ул класс сәгатьләре формасында узды. Әлеге чаралар Туган тел айлыгы белән бергә үрелеп бара. 

Бүген Муса Җәлилнең тууына 114 ел тулуны билгеләп төрле чаралар уздырдык. Укучылар газета чыгардылар, Җәлил шигырьләрен яттан сөйләделәр, тормыш юлына багышланган эчтәлекле чара уздырдылар.Җитәкчеләре: Әхмәтова З.Н.

Мәктәптән 3 укучы: Камалов Б., Исламов И., Гилванов А. Актанышта узган "Волонтеры Победы" форумында катнаштылар

12 февраль көнне Аккүз авылы мәдәният йортында "Йолдызлык - 2020"  фестиваленең сайлап алу туры узды. Безнең мәктәп укучылары бик актив катнашты. һәрбер номинациягә номерлар әзерләнде. Уңышларыбыз да сөенерлек.

Туган тел айлыгы кысаларында мәктәптә "Республикам минем - Татарстан" дигән темага иллюстрацияләр һәм"Тел -күңел көзгесе" дигән темага иншалар конкурслары бара. Шулай ук, "Күп укысаң, күп белерсең" Бөек Җиңүнең 75 еллыгына багышланган  китаплар күргәзмәсе эшли. 

8 февраль көнне мәктәптә чаңгы ярышы узды.Бөтен коллектив бердәм рәвештә чаңгыга басты.

Тат.Суксу мәктәбендә сыйныф җитәкчеләренең һөнәри конкурсы узды. Анда безнең мәктәптән Исламова Г.М. катнашып, уңышлы чыгыш ясап кайтты.

Мәктәптә хәрби - патриоик айлык кысаларында төрле чаралар башланды. Шундыйларның берсе - Әфганчыларны искә алу. Безнең авылдан Әфган сугышында катнашкан Хамитов Маратның йортында истәлек тактасын ачу тантанасында катнаштык. Чара бик эчтәлекле, тәрбияви төстә узды.

5 февраль көнне  Актаныш технология техникумында "Поварлык эше" һәм "бухгалтер исәбе компетенцияләре буенча "Профдебют" конкурсы узды.Анда безнең мәктәпнең 9 сыйныф кызлары Ахметова Л. һәм Госманова Г. катнашып, үз көчләрен сынап кайттылар. Укытучылары: Ахметова З.Н.

29 нчы гыйнвар көнне район күләмендә үткәрелгән инглиз телендә театр конкурсында безнең мәктәп коллективы 3 урынга ия булды. Укытучылары: Н.Х.Гилванова.