Мәктәп, син бит төп йортыбыз,

               Күңел сиңа тартыла.

               Бүген бөтен ил баласы

               Мәктәпләргә агыла.

                                                Рәхим итегез! Башлана 09:00 сәг.

Учащиеся 9 класса получили аттестаты об основном общем образовании. Поздравляем!

Җәйнең беренче көне – балачак иленең иң матур бәйрәме. Шуңа да балалар бу көнне зур түземсезлек белән көтеп ала.

      Бүген, 1 июнь көнне, мәктәп яны спорт мәйданчыгында Балаларны яклау көненә багышланган спорт ярышлары үтте. Балалар төрле спорт уеннарына катнашып, житезлектә һәм тапкырлыкта көч сынаштылар, төрле призларга лаек булдылар.

   29 майда еллык нәтиҗәләр  буенча мәктәптә ата-аналар җыелышы булды.  Җыелышта  мәктәп җитәкчелеге,  укытучылар, 18 ата-ана катнашты. Узган уку елына отчет тыңланды, яңа уку елына бурычлар билгеләнде. Сыйныф җитәкчеләре укучыларның  өлгереше һәм белем сыйфаты турында чыгыш ясадылар. Җәйге  каникулларны һәм хезмәт практикаларын  оештыру турында карар кабул ителде.

Бүген мәктәпләрдә чыгарылыш сыйныф укучылары өчен соңгы кыңгырау яңгырады.

Кадерле  9 нчы сыйныф укучылары!

Мәктәптә сез канат ныгыттыгыз,

Хәзер инде очып китәсез.

Шатлык, сөенеч, изге күңел белән

Каршылагыз һәр көн иртәсен.

Эшләрегез һәрчак уңай булсын,

Изге хисләр безнең йөрәктә.

Хәерле юл сезгә, укучылар,

Калабыз без шушы теләктә.

Ышанабыз сезгә: мәңге кызартмассыз,

Безнең йөзне, туган ил йөзен.

Онытмагыз: һәрчак көтә сезне

Әти-әниләрегезнең нигезе.

Инде менә бүген кошлар кебек,

Иркен киңлекләргә очасыз.

Хәерле юл сезгә!

Бүген мәктәбебездә инде традициягә әйләнеп,  һәр елны үткәрелеп килә торган күңелле бәйрәм  - мәктәп сабантуе үткәрелде. Сабантуйда татарның милли уеннары -  чүлмәк вату, капчык киеп йөгерү, йомырка салынган кашык кабып йөгерү, бүләк­ләрне күз бәйләп кисү кебек уеннар уйнатылды. Иң җитез, иң көчле, иң йөгерек укучылар призлар белән бүләкләнде. Бәйрәм күңелле үтте.