12 апрель көнне Салагыш башлангыч сыйныф укучылары өчен сыйныф сәгате  Космонавтика көненә багышланды. Бөтен дөньяны таң калдырган Юрий Гагарин гади крестьян гаиләсендә туып үскән. Ул тырыш, үҗәт , көчле ихтыярлы булган. Аның, монарчы һич сыналмаган рейста берүзе очуы, беренче булып космик трасса ачуы, җир йөзендәге барлык кешеләр алдында зур җаваплылыкны үз өстенә алуы сокландыра. Аның эзе Җирдә дә, галәмдә дә мәңгегә калды. Гагаринның дәвамчылары булган Титов, Леонов, Беляев, Терешковалар турында да мәгълүмат бирелде. Дәрес азагында  сөйләгәннәр презентация карап ныгытылды. Космонавт- сирәк һөнәр, бу һөнәргә ия булу өчен бик тырыш, эшчән, сәламәт, әйткән сүзеңдә нык торучан булырга кирәклеге турында нәтиҗә ясалды.