30 ноябрь көнне Ямурза авылы башлангыч мәктәбендә укытучылар өчен Закирова Ләйсирә Муллаян кызы тарафыннан татар әдәбияте, Фархушина Люзия Гаяз кызы рус теленнән ачык дәресләр күрсәттеләр. Бу дәресләргә тел белгечләре методик оешмасы җитәкчесе Шарипова Лениза Шарип кызы югары бәя бирде.

Уразай авылы башлангыч мәктәбендә Миннибаева Индира Әхтәм кызы әдәби укудан 2 сыйныфта  "Җирдә миңа ни кирәк?", 4 сыйныфта "Замана баласы" темасына, Кузина Фәридә Дөлфәт кызы рус теленнән 3 сыйныфта " Письменные ответы на вопросы по содержанию текста" темасына  ачык дәрес күрсәттеләр. Дәресләр бик тирән эчтәлекле, югары дәрәҗәдә үттеләр.

Салагыш балалар бакчасында 24 ноябрь көнне әниләр бәйрәме үткәрелде. Бәйрәм балаларның матур шигырьләре, җыр-биюләре белән үрелеп барды. Балалар әниләргә үзләре ясаган кул эшләрен бүләк иттеләр. 

16 октябрь көнне биологиядән мәктәп күләмендә олимпиада уздырылды. 6-10 сыйныф укучылары "биология" фәненнән көчләрен сынадылар.

11 октябрь көнне мәктәптә химия фәненнән олимпиада узды. Сынауларда 8, 9 сыйныф укучылары катнашты.

Бүген мәктәптә 6-11 сыйныф укучылары өчен география фәне буенча Бөтенрәсәй мәктәп туры олимпиадасы үткәрелә. 

2017 нче ел Россия күләмендә экология елы булуы уңаеннан мәктәбебезнең биология укытучысы Султанова Ф. Д. экологик дәрес үткәрде. Дәрес кысасында 6, 7, 8 класс укучылары экологик темага багышланган видеороликлар карадылар һәм 2 командага бүленеп, табигать белән бәйле белемнәрен сынадылар.

3 нче октябрь көнне 6-11 сыйныф укучылары арасында экологиядән олимпиада уздырылды. Укучылар үзләренең экология курсы буенча алган белемнәрен күрсәттеләр.