“Татарстан Республикасы дәүләт телләре һәм Татарстан Республикасында башка телләр турында” Татарстан Республикасы Законын гамәлгә ашыру максатында 23 апрельдә “Авангард” Яшьләр үзәгендә район мәктәпләре укучылары өчен Габдулла Тукайның туган көне уңаеннан “Без – Тукайлы халык мәңгегә” исемле Туган тел бәйрәме уздырылды. Чарада “Мин татарча сөйләшәм!” конкурс – акциясенә йомгак ясалды: җиңүче Әгерҗе шәһәренең 1нче гимназиясе “Мин татарча сөйләшәм!” төркеме булды (Җитәкчесе: ризванова Ә.Ә.). Шулай ук Әгерҗе шәһәренең 2нче урта мәктәбе, Тирсә урта мәктәбе укучылары конкур – акция буенча чыгыш ясадылар. 4нче мәктәптән “Иҗади тәлгәшләр” түгәрәгенә йөрүче укучылар үзләренең иҗатлары белән таныштырдылар. 3нче мәктәп укучыларының чыгышлары “Телләр белгән – илләр гизгән” исеме астында узды.