“Татарстан Республикасы дәүләт телләре һәм Татарстан Республикасында башка телләр турында” Татарстан Республикасы Законын гамәлгә ашыру максатында, мәгариф идарәсенең 2013-2014нче елга төзелгән планы нигезендә, Халыкара һәйкәлләр һәм тарихи – истәлекле урыннарны саклау көне уңаеннан, Иж – Бубый урта гомуми белем бирү мәктәбендә Мәгърифәтче Бубилар истәлегенә багышланган укучыларның төбәкара укулары үтте. Укуларда КФУ доцентлары, район укытучылары, укучылары, массакүләм мәгъүмат чаралары вәкилләре, район язучылары, Удмуртия Республикасы социаль – педагогия көллияте укытучылары һәм студентлары, Минзәлә һәи Менделевск районыннан укучылар һәм укытучылар катнашты. (Барлыгы 90 катнашучы). Укучылар фәнни – эзләнү эшләрен 5 юнәлеш буенча якладылар: 1. Туган ягымда Буби мәдрәсәсе эзләре.

2.   Татар халкының  мәгърифәтче хатын-кызлары –  рухи байлык таратучылар.

3.   Татар мәгърифәтчелеген үстерүдә иганәчелекнең әһәмияте.

4.   Бертуган Бубиларның педагогик эшчәнлеге.

5.   Туган як тарихын өйрәнүдә авыл һәм мәктәп музейларының роле.

Иң яхшы 15 укучыга Мәгариф һәм фән министрлыгының дипломнары тапшырылды.