18 нче апрель  көнне мәктәбебездә өченче ел рәттән Бубый укулары узды. Мәгърифәтче Бубыйлар истәлегенә багышланган III төбәкара укулар Татарстан Республикасы премьер-министры ярдәмчесе Мәгариф һәм фән министры Энгель Навап улы Фаттахов җитәкчелегендә оештырыла. Укуларда Әгерҗе, Чүпрәле, Норлат, Зәй, Баулы, Сарман, Бөгелмә районнаннарыннан, Казан, Яр Чаллы, Алабуга һәм Түбән Кама шәһәрләреннән  укучылар, укытучылар катнашты. Иң мөһиме, бүгенге көндә Татарстанның йөзек кашы булган дәрәҗәле кунаклар, безнең якташларыбыз да бар иде: Бөтендөнья татар конгрессы башкарма комитеты бюросы әгъзасы – Дамир Мәүләви улы Исхаков, “Бубилар мирасы” иҗтимагый оешмасының генераль директоры – Искәндәр Рөстәм улы Җиһангәрәев, филология фәннәре кандидаты – Гөлфия Расил кызы Гайнуллина, тарих фәннәре кандидаты – Рафилә Алмарис кызы Гимазова, “Яңарыш” газетасының баш редакторы – Рәмзия Илдус кызы Габбасова,  “Бубилар мирасы” иҗтимагый оешмасы җитәкчесе – Раиф Мөхәммәтҗан улы Гәрәев, Удмуртия татар язучылар берлеге рәисе – Ринат Гыймазетдин улы Батталов. Шулай ук чит ил кунагы,  Висконский Мадисон университеты профессоры – Юлай Шамил оглы катнашты. Мәктәп һәм Мәдәният йортында күргәзмәләр эшләде. Укуларда катнашучыларга зур рәхмәтебезне белдерәбез!