19 нчы апрель көнне безнең мәктәп укучылары Удмуртия Республикасы Милли сәясәт министрлыгы, Удмуртия татарларының милли – мәдәни автономиясе, Халыклар дуслыгы йорты, “Яңарыш” газетасы редакциясе тарафыннан оештырылган “Туган телем – иркә гөлем” төбәкара фестиваль – конкурсының йомгаклау этабында катнашты. Бәйрәмдә Татарстан Республикасының “Шаян – ТВ” каналы хезмәткәрләре дә чыгыш ясады. Укучылар арасында җиңүчеләр булды.         
      “Көмеш каләм” номинациясендә Мөэминова Гөлназ (11 кл.)җиңүе өчен,Хәбирова Ралина (9 кл.)3 нче урын өчен, Латыйпова Энҗе (9 кл.) , Сундуков Нияз (4 кл.), Тукманнов Илназ (4 кл.), катнашуы өчен диплом белән бүләкләнделәр. 
     “Нәфис сүз” номинациясендә Идрисова  Аделия (6 кл.), Зайнуллина Иделия (6 кл.), Мөхәммәдиева Мәдинә (3 кл.), Хәмидуллина Элиза (3 кл.),  “Тамчылар” иҗат түгәрәге әгъзаләре I дәрәҗә лауреат , Нурмөхәмәтова Алия катнашуы өчен дилом белән бүләкләнә. Укучыларны Хуҗина Г.Р., Симакова Г.И., Латыпова А.Р. әзерләделәр. Молодцы! Алдагы конкурсларда уңышлар телибез!

Апрель ае - кошлар айлыгы. Безнең мәктәптә дә укучылар кошлар килуен түземсезлек белән көтәләр, сыерчыкларга оялар ясыйлар. Бүген дә мәктәбебездә кошларга багышланган "Кошлар- безнең дуслар" дип исемләнгән кичә үткәрелде. Кичкетан заказнигы хезмәткәрләре- бәйрәмебезнең хөрмәтле кунаклары булдылар: укучыларның белемнәрен сынадылар, кош ояларына бәйге үткәрделәр, бүләкләр бирделәр, табигатьне сакларга, якларга өндәделәр. 

1 апрельдән 1 класска кабул итү кампаниясе старт алды.  

Бүген мәктәбебездә "Шахмат зонасы" ачу тантанасы булды. Исәнбай авыл җирлеге башлыгы Сираев Ф.Ф.  һәм район советы депутаты, шушы мәктәпне тәмамлаган авылдашыбыз Ямалиев И.И., иганәчелек күрсәтеп, мәктәпкә 2 шахмат комплекты (шахмат һәм сәгать) бүләк иттеләр. Укучылар арасында шахмат ярышлары уздырылганнан соң, мондый бәйгеләрне киң масштабта үткәрергә дигән теләк белдерделәр кунакларыбыз.

Бүген мәктәбебездә "Космонавтика көне"нә багышланган чаралар үтте. "Галәм киңлекләрендә" сериясеннән класс сәгатьләре, башлангыч сыйныфлар арасында "Поехали" уен-проекты, "Мин Гагарин оныгы" рәсем бәйгесе, "Гагарин елмаюы" акцияләрендә укучыларыбыз бик теләп катнашты.

Учащиеся 6-11 классов  нашей школе приняли участие во Всероссийской акции «Тотальный диктант-2021», которая направлена на   развитие  культуры грамотного письма. В этом году дети написали диктант по тексту писателя  Дмитрия  Глуховского. Все участники акции отметили, что  их затронула  до глубины души живая, проникнутая  живыми человеческими эмоциями история.

11 сыйныф укучысы Мөэминова Гөлназ  Укучыларның Н. И.Лобачевский исемендәге VI Бөтенроссия (Халыкара катнашу хокукы белән) фәнни конференциясе «Татар теле һәм әдәбиятының актуаль проблемалары» секциясендә үзенең фәнни эше беләнчыгыш ясады һәм III дәрәҗә Дипломга, бүләкләргә лаек булды. Фәнни җитәкчесе Хуҗина Гөлназ Рәфис кызына да Грамота тапшырылды. Афәрин. Котлыйбыз.

Россиякүләм "Сәламәтлек көне" кысаларында үткәрелгән "Сәламәтлек эстафетасы"на без дә бик теләп кушылдык. "Иртәнге зарядка" флешмобы һәркемнең кәефен күтәрде.

Бүген 1 нче сыйныф укучылары үзләре өчен иң кадерле булган тәүге дәреслекләре- "Әлифба" китабы белән саубуллаштылар. "Әлифба" ул әни кебек, әни кеше баланы сөйләшергә өйрәтсә, "Әлифба" китабы беренче хәрефләрне танырга, иҗекләр, сүзләр укырга, җөмләләр, хикәяләр төзергә өйрәтә. Безнең беренчеләребез дә бәйрәмдә үзләренең алган белемнәрен күрсәттеләр, тәүге китапларына багышлап, җырлар , шигырьләр сөйләделәр. Үзләрен белем дөньясына алып кергән "Әлифба"га да, беренче укытучылары Алсу Рафаил кызына да тирән рәхмәтләрен белдерделәр.

Наши учащиеся Ганиева  Камила, Латыпова Эндже,Исмаилова Нурия,  (рук.Сундукова Э.К.), Непомнящих Виктория ( рук. Тукманова Г.З.)  приняли участие в Межрегиональных научно-исследовательских чтениях им. Хади Атласи ,  они отмечены Сертификатами  за активное участие. Молодцы !!!